الأحد، 27 ديسمبر 2009

من مذكرات رووودى .. أيام الفشل الجميل ..،،







.



السلام عليكم ورحمة الله وبركاته


.



اكيد طبعا استغربتو من الموضوع قلتوا البت دى ايه اللى جرالها
اصل بصراحه ....
عمرى مافكرت اكتب دايريز ولا كده
بس دايما بتمر فى حياة الانسان مواقف كده
بجد استحاله تتنسى
كل مايفتكرها يحس فيها بعبق مختلف
دايما يفتكر عهد مر عليه
بافراحه واتراحه
يحس بيه ...
ويقول يااااااااه كانت اياااااااااام
والنهرده بقى
اول حلقه من الدايريز بتاعة رودى

( ولا يوم من ايام الثانويه )

ههههههههههههههههههه
بجد باسميها ايام الفشل الازلى
بس الحمد لله ربنا كرمنى فيها احلى كرم
انا هتكلم عن فتره من ايام تالته ثانوى



احم ... احم .... اجمع الاول

هههههههههه

الشخصيات بتاعة المواقف دى كالتالى ..

استاذ (محسن ) وده بقى كان مدير المدرسه
كان مربى الخفيف لكل العيال
ههههههههههههه
بجد كان صعب جدا واللى يشوفه بره الفصل فى وقت الحصه بيطلع يجرى وراه

ومدرسه بتاعة التربيه الرياضيه ( ن)بس كنت بحبها اوووى

واستاذ (سعيد ) بتاع الموسيقى

واستاذ (مصطفى ) بتاع الفيزيا

.


المهم
انا بقى كانت طالبه معايا فشل مش عارفه ليه كده
هههههههههههههه
كنت اخدت التاريخ فى سنه تانيه
عشان اسهل على نفسى بعدين
ورحت تالته بفلسفه وعلم نفس وعلوم بيئه
بجد كانت مواد تحفه
ومحدش فى المدرسه كلها كان عامل الحكايه دى غيرى
جيت بقى على تالته ثانوى
مرتاحه وجايبه فوق الــ 80
ومعايا مواد سهله وكده
وكنت عاوزه اصلا ادخل اداب وخلاص
والحمد لله دخلتها طبعا بعد كده


المهم

كنت فاضيه بقى فى سنه تالته

الموقف كالتالى ...

الزمان { الحصه التالته } حلوه الزمان دى
ههههههههههه


المكان بقى

حوش المدرسه { مقرى }
كان فيه مكان كده مخصص للبنات فى حصص التربيه الرياضيه
بس كان مكشوف
والرايح يتفرج والجاى يتفرج
ومدرسه مشتركه بقى


هههههههههههههههههههههههههه


الموقف بقى ...


انا قاعده جنب المكان بتاع البنات اللى قلتلكم عليه ده
على تاليتوار عاليه شويه وممده رجليا ومحدش ف دماغى بقى
طلبت من عم على يعملى كوباية شاى وجبت بسكوت كنت خارجه يعنى من غير ماافطر .. يرضيكو يعنى مافطرش

كان عندنا حصة العاب

المهم قاعده ياعينى لا بيا ولا عليا
جنب البنات بتوع الفصل فى حصة
ومستجمه بقى بالشاى
الاقى مين جاى عليا
استاذ محسن ( يادى الوقعه المنيله ) هههههه
انتى ايه اللى مقعدك كده فى الحوش ومسكالى شاى ياختى بتشربى
قاعده على قهوه حضرتك ولا ايه



اضطريت اقف بقى ارد عليه
قلتله استاذ محسن معلش اصلى بصراحه
عشان اصحى واجى من الساعه 8 ومتأخرش عالطابور بتاع حضرتك
بضطر اسفه انى اخرج من غير فطار وانا قاعده فاضيه بقى قلت افطر

يرضى حضرتك يعنى اقع من طولى وانا على غير فطار كده
يقولو البت عملوا ايه فيها فى المدرسه ومشاكل بقى
ومحاكم وبتاع ويقاضوا المدرسه

قالى لا والله هو انتى معندكيش حصه ولا ايه
قلتله عندى اهو العاااااب

راح باصص وراه ومنادى ... يااستاذه (ن) هو ده فصل كام

قالتله تالته خامس

قالها عندها معاكى دى

قالتله اه
المهم مشى وبلعلى الموقف وقبل مايمشى قالى استفيدى بالحصه ياانسه
مينفعش كده وبتاع

(مش فاهمه استفيد ازاى العب يعنى )

مشى من هنا بقى
وجت الفسحه والحصه الرابعه
قعدت مع البت هبه شويه فى الحوش
وفى الحصه الرابعه جه الحال كما هو عليه
كان وقتها الفصل بتاعى عندهم حصة تاريخ
وانا كان مقرر اخد علم نفس والمدرسه اللى بتديلى مخصوص مجاتش يومها
قلت تمااااام كده
اخدها رخامه على مخاليق ربنا
وانا اساسا اليوم فاضى
وحصص كلها هبله
قعدت بقى زى الباشا فى الحوش اتفرج عالرايح والجاى
جنب حصة العاب تانيه كانت عند الفصل بتاع هبه
الاقى مسيو محسن كلاكيت تانى مره


ها ....



عندك ايه ياانسه رغداء
وقاعده كدليه
قلتله عندى العاب

ههههههههههههه

قالى مش كان عندك الحصه التالته

ونادى تاااانى .. يااستاذه (ن) فصل كام ده

ردت الاستاذه قالتله تالته سادس يااستاذ محسن

قالى انا فاكر ان كنتى الحصه التالته يارغداء تالته خامس
انتى بتضحكى عالمدرسه ولا ايه

قلتله ازاى لا طبعا يااستاذ محسن
انا الحصه التالته بابقى تالته خامس والرابعه تالته رابع
قالى والله انتى بتهزرى



قلتله لا حضرتك

اصلى باخد مواد مختلفه وبتاع المهم قعدت اكلفته
قالى لو حتى بتاخدى مواد مختلفه
مابتحضريش الا حصص العاب ولا ايه

بتدرسى العاب

طيب تعالى معايا على فصلك
ياانسه بقى بتضحكى عالمدير انا هشوف مين اللى عندك دلوقتى

ابقى هاتيلى ولى امرك بكره اتكلم معاه

المهم لقيت استاذ الفيزيا جاى يكلمه اتلهى معاه قلتله طيب

سلامو عليكم انا بقى

ومشيت .... لقيته خد باله

قالى استنى عندك مخلصتش كلامى ..انا بقى ماستنيتش

جه ورايا جريت على فوق ..طلع يجرى ورايا بالعصايه

وعينى ماتشوف الا النور .. بس على مين يومها مطالنيش

دخلت اوضة الموسيقى عند استاذ سعيد



قلتله الحقنى الراجل الدؤرم ده لسه فيه نفس وبيجرى ورايا استر عليا
المهم قعدت ورا وقعدت العب فى الاكسليفون
على مامحسن كان مشى
ماديتش خوانه بقى وطلعت

لاقيت صوت من ورايا استنى عندك
بردو ماستنيتش ...

ههههههههههههههههههههه

رحت المبنى التانى كان استاذ الفيزيا
عندهم حصه فى المعمل دخلت ..
قالى ايه يارغداء اللى جابك هنا
قلتله عاوزه احضر معاكم وبتاع
اصل بصراحه كان نفسى ادخل علمى
بس الزمن بقى وحضرتك عارف وعشان العقد النفسيه
قعدنى معاكو حصه

هاقعد ومش هتحسوا بيا

المهم قعد يضحك وقعدت
لمحت الاستاذ محسن لسه بيجرى بره
كل مايشوف مدرس يسأله عليا


جرسنى يومها



المهم الاساتذه يشكروا فيا قصدك رغداء اخت كذا وكذا
داكانوا من احسن الناس اللى كانت هنا
ولاد ناس والله يااستاذ محسن

كنت معروفه بقى عشان اخواتى


.

خدناها يومها مطاردات والمدرسه اتفرجت ومحدش قادر يحوش نفسه من الضحك

لغاية ماعدى اليوم وروحت
جيت تانى يوم كانوا بيكرمو المتميزين فى الانشطه فى الطابور
بيدوهم شهادات تقدير واستثمار وبتاع

ومين بقى اللى بيكرم ....

المعلم ...... ( محسن )

هههههههههههه
انا بقى كان ليا تكريمين
عشان المناظرات دى كنت مديرة الحوار
وخدنا مركز اول عالاداره

وعشان الكاراتيه كنت ايامها اخدت مركز اول عالمحافظه فى بطولة المدارس

ومقرر اسافر اسبوع اشارك فى بطولة الجمهوريه


تخيلو قمة الذل بقى وهو بينادى عليا ويكرمنى بعد اللى عملته فيه قبلها
طلعت مرتين اتكرمت

ههههههههههههههه

وجه شاددنى على جنب ... انا نفسى اعرف
مانتى متفوقه اهوة وباين عليكى بنت ناس
والدك راجل محترم وكل الناس تعرفه
وعيلتك ماشاء الله ناس كويسين ومناصب
مافيهمش حد فاشل

بتعملى كدليه

جبتى ولى امرك زى ماقلتلك


قلتله معلش بقى بابا عنده مشغوليات واكيد مش هيوصى حضرتك عليا يعنى

( شوفوا بقى الرخااامه )


هههههههههههههه

لقيته ضاحك
تخيلوا !!!!!!!

لأول مره المدرسه تشوف استاذ محسن بيضحك
هههههههههههههه
وعدى الموقف بس طلع قلبه ابيض والله
واستمرت رودى على نفس المنوال
كل يوم الصبح بكوباية الشاى والبسكوت
واستاذ محسن لقى مفيش منها رجا وكبر بقى معادش حمل جرى
مبقاش بيطلع من مكتبه اساسا ..


.


والى لقااااااااء

الاثنين، 7 ديسمبر 2009

رخاااامه بجد مفيش بعد كده .... ههههاااااى








1- واحد وقع من الدور التاسع لقى ايه؟؟ لقى مصرعه

2- ليه
الارنب مبيعديش من قدام القهوة ؟؟ بيخاف من السحلب المكار

18- دكتور
اسنان ارتكب جريمة يسجنوه فين ؟؟ في سجنال تو

19- ليه نابليون كان
بيقعد قدام التلاجة ؟؟ عشان يطمن علي حملة فريزر

20- ايه هي قمة الادب
؟؟ انك تخبط على التلاجة قبل متفتحها

21- ايه هي قمة الصبر ؟؟ انك
تستنى حد يفتحلك

22- ايه هي قمة الدهشة ؟؟ حد يفتحلك فعلا

23
- إيه وجه الشبه بين الحلاق وجورباتشوف ؟ الإتنين بيتعاملوا مع
الروس

24- إيه وجه الشبه بين القمر وصينية البطاطس ؟ الإتنين ميتعملوش
عصير مانجو

25- إيه العلاقة بين الكمبيوتر والحفرة ؟
الكمبيوتر
حاسب آلى أما الحفرة حاسب لتقع

26- ليه الأرجنتين مش بيزرعوا تين ؟
لأنها دولة للا....تينية

27- إية الفرق بين الزيتون والليمون
؟؟
التانى بيتعمل لاموناته والأول ما بيتعملش زاتوناتة

28- واحد
بيحدف زلطة على بيت ازاز والبيت محصلوش حاجة ليه؟
عشان الزلطة مجتش
فيه

29- طب كتكوت بيعدي الشارع و فجأة مات .. ليه؟ الزلطة جت
فيه

30- حاجه طايره فى السما وبتقول نياو ايه هى؟؟؟ قطه بيضاء مضروبه
بالشلوت

31- طب حاجه سوده طايره فى السما وبتقول نياو ايه هى؟؟؟ غراب
بيستهبل

32- طب حاجه بنى طايراه فى السما وما بتقولش حاجه ايه
هى؟؟؟
فرده جزمة الراجل الى ضرب القطه البيضاء

33- طب حاجه سوده
طايره فى السما وما بتقولش حاجه ايه هى؟؟؟
غراب عاقل وما بيحبش
يستهبل

34- حاجه زرقاء طايره فى السما ايه هى؟؟؟ ذبابه لابسه بنطلون
جينز

35- حاجه سوده وفيها خط احمر وطايره فى السما من الشرق للغرب ايه
هى؟؟؟
ذبابه لابسه فستان سواريه وحاطه روج ورايحه فرح واحده
صاحبتها

36- حاجه سوده وفيها خط احمر وطايره فى السما من الغرب للشرق
ايه هى؟؟؟
نفس الذبابه نسيت حاجه فى البيت رجعت تجيبها

37- حاجه
سوده ماشيه فى الصحراء ايه هى؟؟؟ سرب نمل رايح يعزى

38- نقطه سوده على
الحيطه ايه هى؟؟؟ ذبابة

39- طب نقطتين سود على الحيطه تبقى ايه؟؟؟
فيشه

40- طب 3 نقط سود على الحيطه تبقى ايه؟؟؟ ذبابه وفيشه

41-
طب 73 نقطه سوده على الحيطه تبقى ايه؟؟؟ يبقى بياض البيت بيقشر

42-
حاجه رفيعه وطويله ولونها ابيض ايه هى؟؟؟ فتله بيضاء

43- حاجه رفيعه
وطويله ولونها اسود ايه هى ؟؟؟ خيال الفتله البيضاء

44- ازاي نحط فيل
في زجاجة -- نزقه فيها فجأة وهو بيشرب

45- ازاي نحط فيلين زجاجة من
غير ما يلمسو بعض ؟؟ نحط بينهم فيل تالت

46- طب ازاي تركب 4 فيلة على
بسكلته؟ فيل يسوق ويمسك الازازة

47- ازاى نركب اربع فيلة فى عربية
فولكس اتنين ورا واتنين ادام

48- طب إزاي نركب 8 فيلة فى
مرسيدس
نبيعها ونشترى عربيتين فولكس ويبقى اتنين ورا واتنين
ادام

49- ازاى نصطاد الفيل الاحمر؟ ببندقية الفيل الاحمر

50-
ازاى نصطاد الفيل الاخضر نستنى لما يستوى ونصطاده ببندقية الفيل
الاحمر

51- ازاى نصطاد الفيل الازرق؟ نكسفه وشه يحمر ونصطاده ببندقية
الفيل الاحمر

52- دكتور اتجوز محامية خلفوا ولد يسموه ايه؟ أحمد على
اسم جده

53- ايه الفرق بين القلة والزير --- فى فوازير ومفيش فوا
قلة

54- ايه عكس كونكريت لاتكن كريت

55- ايه عكس زمان زا وومن
(The Woman)

56- ازاي نحط فيل في الثلاجة على ثلاث مراحل؟
نفتح
الثلاجة - ندخل الفيل في الثلاجة - نقفل الثلاجة

57- طب ازاي نحط
زرافة في ثلاجة على اربع مراحل؟
نفتح الثلاجة - نخرج الفيل - ندخل الزرافة
- نقفل الثلاجة

58- ماهو الشئ اللي ننام عليه ونجلس فوقه ونغسل
اسناننا فيه؟
السرير والكرسي وفرشاة الاسنان

59- ما الذي له رأسان
و8 اقدام؟ كلبان

60- كيف نعرف ان 8 افيال موجودين داخل فندق شيراتون
بدون ان تدخل الفندق؟
اذاوجدت 2 فولكس في موقف الفندق

61- احترقت
حديقة الحيوانات فاحترقت جميع الحيوانات ماعدا الزرافة لماذا؟
لأننا وضعنا
الزرافة بالثلاجة

62- ايه اكتر حيوان مبيعرفش يستخبى ؟ الثعبان بان
بان بان بان بان

63- طيب ايه اكتر حيوان بيسمع اغاني اجنبي ؟ الغراب
راب راب راب راب راب

64- طيب ايه اكتر حيوان بيسيح في الحر ؟ التم ساح
ساح

65-سمعت نكتة الأسانسير ؟ لأ - يبقى اكيد كنت طالع على
السلم

66- ليه مصر مش محتاجة بطاطين ؟ علشان اتصالات غطت مصر
كلها

67- ليه السمك بيخاف من فودافون ؟ علشان عندها اكبر
شبكة

68- ليه محمدين بيلبس شرابات خضرا ؟ عشان خضرا لابسة
شراباته

69- محمدين واقف فى الشمس و معاه دودة ليه؟
عشان الدكتور
قال له اقف فى الشمس دقائق مع دودة

70- ليه محمدين بيحط خيارة تحت
المخدة؟ عشان لو حط طمطماية هتتفعص

الأربعاء، 2 ديسمبر 2009

غتاته ....




ليه السمك بيخاف من اتصالات؟علشان أقوى شبكة.....





- طب ليه عملاء موبينيل هيدخلو الجنة؟
علشان هما أحسن ناس.....ـ




و ليه القطنه هتدخل معاهم؟
عشان مدام نظيفه قالت القطنه متكدبش....



- طب ليه عملاء فودافون ما بيبردوش؟
علشان فودافون أقوى تغطية.....







_ امتى السما يبقى لونها بتنجانى
لما الدنيا تبقى مسقعه.....





ليه الهوت دوج مش راجل
علشان سوو-سيس.....





ليه القطر مهم
...... عشان تحتيه خطين




ليه سندوتشات الكفته والبطاطس بتجري
...... عشان وجبات سريعه





ليه اليابان معندهاش حنان
........... عشان ف قاره آسيا )



ليه البرازيل معندهمش تين
............ .عشان ف امريكا اللاتينيه )





ليه الفيل بينزل البحر بالشورت الاحمر .
.......... عشان الشورت الاخضر مش نضيف



ليه الصعيدي بيحط جنبه منبهين
............ . عشان واحد يضرب والتاني يحوش



عكس نجيب محفوظ ؟؟ .
....... نودي محفوظ



واحد بلدياتنا ماشي تحت الكوبري و رافع ايده ليه ؟
......... عشان الكوربري مسلح





ليه الكلب بيهوهو
.......... عشان القطه بتنونو



ليه الصعيدى بيربي شنبه؟
عشان الدبانه تمسح رجليها قبل ما تدخل.....



عسكرى زهق من البندقيه عمل ايه
جاب حمصية.....





طماطمية عطست قالت
.... كا كا كاتشبب


واحد بيقول لواحد هى الساعة كام قالو انت فاكرنى جزرة وخد الشاكوش عالعجلة ومشى



حاجه بتجري وعندها راسين و 8 رجول
....... كلبين بيجروا جنب بعض



ليه القرد سريع
....... عشان القرد في عين امه غزال



اول مخلوق ظهر عالارض هو الحمار الوحشي ليه ؟؟
. ........ عشان ابيض واسود



و اخر مخلوق ظهر القنفد ليه ؟؟
عشان لسه بشوكه......



حاجه ليها اربع رجلين وطايره في الهوا.
....... قطه مضروبه بالشلوت





عاوزين نطير كلب نعمل ايه
.......... نضرب في ( 1\كلب )الكلب يطير مع الكلب



ليه النمل مش بترضي تركب الفيل قدامها عالعجله
........ عشان بيلعب في الجرس



فرخه معلقه سلسله فيها صوره بيضه ليه ؟؟
............ صورتها و هي صغيره



فرخه معلقه سلسله وفيها صوره طبق بيض اومليت ليه ؟؟
........... صوره اخوها الشهيد



ايه الفرق بين عمرو دياب و إليسا ؟؟
إليسا بتعمل شريط كاسيت ....
و عمرو دياب بيعمل شريط كاراجل ....





ليه المنبه بيرن
....... عشان مش معاه رصيد يتصل





ليه القطه بتدخل عن الحلاق_
...... عشان الباب مفتوح



طب ليه الأقرع بيدخل عند الحلاق _
........ عشان ياخد القطه



ليه الصيدلي بيبني عماره_
........ عشان يسكن الآلم



طب وليه العماره وقعت
......... عشان بنااادول إكسترا )





ليه قبضوا على صاحب شركه جهينه
.......... عشان ( زبادو ) متلبس



ليه القطه بتخربش
............ . عشان نفسها تكسب



ليه الأهرامات تلاته بس
.......... عشان الشلن مش هايكفى نحط واحد كمان





ليه السائح بيتصور جنب الاهرامات
.......... عشان يطلع في الشلن



ليه الام مدرسه
........ عشان بتذاكر لولادها



عكس بالونه ايه ؟؟ .
........ نشفونا



ليه الفيل بيلبش شرابات خضرا
........ عشان خضرا بتلبس شراباته



عاوزين نحط فيلين في برطمان من غير ما يلمسوا بعض نعمل ايه ؟؟ ......
نحط فيل ما بينهم و نحطهم في البرطمان



ليه عمر دياب و هو بيقول فى اغنيه راجعين مخبطش فى اللى وراه
عشان طلعت زين واقف وراه وبيقولو تعالا تعالا



عاوزين نركب 4 افيال على عجله نعمل ايه ؟؟
........... نركب فيل و نديله البرطمان يمسكه في ايده



حكموا على صاحب شركه موبينيل احكام كتيره اوووي ليه
..... عشان بيتحاسب بالثانيه



خمسه صعايده قاعدين في اوضه كل يوم يخرج واحد ليه
...... بيلعبوا ستار ميكر



قطر ماشي بسرعة 60 كلم في الساعة فكم عصفورة في الشجرة اذا كان الببسي ب75 قرش؟





ايه وجه الشبه بين البطيخ و الشمام
....... الاتنين اجازه الحلاقين



حاجه صغيره و لونها احمر و بتاكل الزلط
......... بنت الحاجه الكبيره اللي لونها احمر و بتاكل الزلط



طب حاجه لونها اسود و بتاكل الزلط.
........ ظل الحاجه الصغيره اللي لونها احمر وبتاكل الزلط





ليه الفراعنه ريحه بقهم حلوه
......... عشان كان عندهم ابو الهولز



طب عندنا ازازه حاجه ساقعه و فيها طوبه .. عاوزين نطلعها من غير مانكسر الازازه ؟
........ نجيب الحاجه الحمرا الصغيره اللي بتاكل الزلط و نحطها في الازازه





ليه الفراعنه كانوا عيال
........... عشان كانوا بيرسموا عالحيطه



طب ليه ابو الهول كان وشه اصفر
......... من خوفو



طب اتنين فراعنه قعدوا عالفهوه هايطلبوا ايه ؟؟
...... اتنين اااااامون و حجر رشيد لايت



واحد ماشي في الشارع و لابس كوتشي ابيض ليه ؟؟
........... عشان ماشي مع الطقم



واحد بلديتنا واقف قدام المرايا و مغمض عنيه ليه ؟؟
............ ......... .... بيشوف شكله و هو نايم



مهندس كمبيوتر، حلل دمه، طلعت فصيلته


.......... HP



لية السمك بيخاف من الجنية....؟!
علشان الجنية فية 100 قرش.........



فيزيا بقه


واحد تايه في الصحرا ومعاه مسطره حرف تي ..يعمل ايه ؟؟ .......... يسمك المسطره ويقيس مسافه ... يكاملها تبقى سرعه ...
يكاملها تاني تبقى عجله ... يركب العجله



ليه اللبن جايب ( ض.ج ) في الرسم ؟؟
............ .. عشان لما بيقطع مش بيهشّر



ليه اللبن جايب ( ض.ج ) في الرياضه ؟؟
............ .. عشان لما بيــ( كامل الدسم ) بينسى يحط الثابت





القاضيه بقى


قطه بنت عم قطه تانيه ... وقطه تالته بنت عم التانيه ... و قطه رابعه تبقى بنت اخت التالته ...... و قطه خامسه تبقى عمه الرابعه ... وقطه سادسه تبقى بنت خاله مراة عمه الخامسه ...
تبقى القطه الاولى تقول القطه السادسه يا ..... ايه ؟؟







تقولها ناو ناو





Blogspot Templates by Isnaini Dot Com. Powered by Blogger and Supported by Lincah.Com - Lotus Cars